Booliska Baardheere oo sheegay in ay toogteen Haweeney is qarxin rabtay

Booliska Magaalada Baardheere ee Gobolka Gedo ayaa sheegay in ay ka hortageen weerar Ismiidaamin ah oo ay fulin lahayd qof Haweeney ah.

Saraakiisha amaanka ayaa sheegay in Haweeneyda oo ka baxday Baydhaba ay Bam Gacmeed ku tuurtay Ciidanka ilaalada Saldhigga halkaasna ku dhaawacmeen labo Askari.

Sidoo kale Ciidamada ayaa rasaas ku furay Haweeneyda waxaana ay ku geeriyootay isla goobta lagu rasaaseeyay.

Saraakiisha ayaa sheegay in Haweeneydaas laga furay walxaha qarxa islamarkaana lahayo lambar sireedkeeda.

Booliska waxaa ay sheegeen in Haweeneyda ay ka degtay Gaari Caasi ah oo ka baxay Baydhaba islamarkaana gaaray Magaalada Baardheere ee  gobolka Gedo.

Saraakiishu ma bixin faah faahin intaas dhaafsiisan oo la xiriira weerarka Haweeneyda ee ay sheegeen in ay fashiliyeen maanta.