Mareykanka oo ka hadlay duqeyn uu ka geystay koofurta Somaliya

Dowladda Mareykanka ayaa sheegtay in laba xubnood oo ka mid ah dhaq dhaqaaqa Al-shabaab ku dileen duqeyn shalay ka dhacday Gobolka Jubada hoose.

Warbixinta ka soo baxday dalka Mareykanka ayaa lagu sheegay in Mareykanka uu weerarkaas ka fuliyay waqooyiga galbeed ee Magaalada Kismaayo kaddib markii Al-shabaab ay weerareen Ciidamada dowladda Soomaaliya ka tirsan oo halkaas ku sugnaa.

Waxaa qoraalka Mareykanka ka soo baxay lagu sheegay in dad rayid ah aysan ku dhiman weerarka dhinaca cirka ah ee uu Mareykanku geystay.

Mareykanka ayaa sheegaa in uu dowladda Soomaaliya ka caawiyo dagaalka ka dhanka ah AL-shabaab.

Waxaa uu tababaraa Ciidamada gaarka ah ee loo yaqaanno DANAB, kuwaas oo tiradooda la gaarsiinayo ilaa saddex kun oo Askari.