“Gobolladii nagu taageeray Qaaraan Qaran waan booqan doonaa”

Madaxweynaha Dowladda Federaalka ah ee Soomaaliya Maxamed Cabdullahi Farmaajo ayaa sheegay in uu booqasho ku tagayo dalka Mareykanka gaar ahaanna Gobollo muhiim u ah.

Madaxweynaha oo la hadlayay jaaliyaddii ka qeybgashay furitaanka safaaradda Soomaaliya ee Mareykanka ayaa sheegay in hadda uu dib ugu soo laabanayo dalka hayeeshee uu sida ugu dhaqsiyaha badan ugu laabanayo dalka Mareykanka.

Maxamed Cabdullahi Farmaajo ayaa sheegay uu tagayo Gobollada kala ah Minnesota, Ohio, Taxes, Virginia iyo Toronto Canada.

Waxaa uu Madaxweynuhu sheegay in booqashada Gobolladaasi loo kala hormarinayo sidii ay u kala taageereen waagii uu ololaha doorashada ku jiray ee uu ururinayay lacagtii uu ugu magaca daray Qaaraan Qaran.

Madaxweynaha ayaa waxaa uu sheegay in dhamaan Gobolladaas uu tagayo islamarkaana uu uga mahadcelinayo taageeradii lacageed ee ay ku bixiyeen markii uu lacag ururinta ku jiray.