Dowladda Soomaaliya oo sheegtay in sharciga la mariyay Ciise Tarabuun

Dowladda Federaalka ah ee Soomaaliya ayaa ka hadashay hadal shalay ka soo baxay Dowladda Kenya oo ahaa muwaaddin Soomaali ah horayna AL-shabaabnimo loogu xiray Muqdisho in la siidaayay markii sharciga la mariyay.

War ka soo baxay Wasaaradda Warfaafinta Xukuumadda Soomaaliya ayaa lagu sheegay in Ciise Tarabuun oo ahaa Madaxa Amniyaadka Al-shabaab ee Gobolka Banaadir lagu maxkamadeeyay Maxkamadda Ciidamada Soomaaliya.

Waxaa warka lagu sheegay in lagu xukumay labo Sano islamarkaana uu dhameystay xabsigiisa iyada oo kaddibna dowladda la socotay dhaq dhaqaaqiisa.