Waqtiga uu furmayo kalfadhiga 6aad ee Golaha shacabka oo la shaaciyay

Guddoonka Golaha Shacabka Soomaaliya ayaa shaaciyay waqtiga rasmiga ah ee uu furmayo Kalfadhiga 6aad ee Golaha shacabka Soomaaliya.

Warqad ka soo baxday Xafiiska Guddoomiyaha Golaha Shacabka Soomaaliya Maxamed Mursal Sheekh C/Raxmaan ayaa Xildhibaannada lagu wargeliyay in Kalfadhiga furmayo 9ka Bishan October.

Xildhibaannada dalka ka maqan ayaa lagu wargeliyay in kama dambeys 7da Bishan ku soo laabtaan dalka si ay uga qeybgalaan furitaanka Kalfadhiga 6aad.