Meydka Sarkaal Kenyan Ah Oo Lagu Arkay Lamu

Saraakiisha Booliska Dalka Kenya ayaa sheegay in ay heleen meydka sarkaal ka tirsanaa Booliska Gobolkaas oo la waayay todobaadkii hore.

Ninkan ayaa meydkiisa la helay isaga oo madaxa iyo gacan laga jaray,waxaa sidoo kale maqan Qori G3 ah oo ay ku jirtay 60 xabbadood oo rasaas ah.

Hesbon Anunda, ayaa labadii bishan lagu waayay saldhiggii uu ka shaqeynayay ee degaanka lagu magacaabo Kizingitini.
Taliyaha Booliska Degaankaas Hilary Mutyambai, ayaa sheegay in ay tuhmayaan in weerarkaas ka dambeeyeen Al-shabaab.

Waxaa uu sheegay in sanadkan kaliya 40 sarkaal oo Boolis ah sidan oo kale u dhinteen iyaga oo nolol lagu waayay kaddibna meydadkooda la helay

Ciidamada ayuu ugu baaqay in ay feejignaan sare galaan sidoo kalena ay muhiimadda 1aad siinayaan amaanka askarta shaqada ku jirta oo la kulma falal kala duwan.