Cumar Finish: “Isbitaalka Laasaleeti degdeg ayaan u dhisayaa”

Guddoomiyaha Gobolka Banaadir ahna Duqa Muqdisho ayaa ballanqaaday in uu dib u dhis ku sameynayo Isbitaalka Laasaleeti oo uu bur bur xoog leh ka muuqdo.

Cuma Finish ayaa sheegay in Isbitaalkaas uu muddo soddon sano ah bur bursanyahay,waxaana uu sheegay in uu ka shakisanyahay in siyaasadi ka dambeyso sababta aan loo dayactirin.

Waxaa uu ballanqaaday in uu shakigaas meesha ka saarayo Isbitaalka lagu hannaaneyn jiray dadka dhimirka la’na uu dib u dhis ku sameynayo.

Cumar ayaa sheegay in Ganacsato Soomaaliyeed ay diyaariyeen lacagtii dib loogu dhisi lahaa dhawaanna la billaabayo dib u dayactirkiisa.

Waxaa uu ka digay in dib u dayactirka Isbitaalka Laasaleeti la siyaasadeeyo ama uu dad gaar ah hunguri ka galo.

Isbitaalka ayaa waxaa uu hadda yahay mid burbursan waxaana ku jira dad Rag ah oo dhimirka la’ iyo Carruur lagu quudiyo oo nafaqa darro heyso.

Cumar ayaa sidoo kale ballanqaaday in uu wax ka qabanayo nadaafadda Magaalada iyo bullaacadaha biyaha isaga oo waraha hadda biya fariisadka ah sheegay in laga dhigayo goobo ay Carruurta ku ciyaaraan xilliyada ciidaha.