Doorashooyinka Canada Iyo Guulo Lama Filaan Ah

Ra’isalwasaaraha Dalka Canada Justin Trudeau ayaa ku guuleystay doorashadii shalay ka dhacday Dalkaas.

Waxaa sidoo kale guuleystay Wasiirka socdaalka dalka Canada oo ah Soomaali,waxaana lagu magacaabaa Axmed Xuseen.

Dib u doorashada Ra’isalwasaare Justin Trudeau ayaa ah mid dirqi ah,waxaana uu ku qasbanyahay in uu isbaheysi la sameysto axsaabta kale si uu u gaaro aqlabiyadda lagu soo dhisi karo dowlad uu hoggaamiyo afarta sano ee soo socota.

Justin Trudeau, ayaa helay 146 ka mid ah 170 Kursi ee ay tahay in uu ka helo baarlamaanka Canada si uu u soo dhiso dowlad uu xisbigiisa aqlabiyadda leeyahay.

Wasiirka Socdaalka Canada Axmed Xuseen ayaa difaacday booskiisa,waxaana dib loogu soo doortay Gobolka uu ka tartamayay ee Onterio ee dalka Canada oo uu xildhibaan u yahay.

Doorashada sanadkan ee Canada waxaa ka qeybgelayay afar qof oo Soomaali ah oo uu Axmed ka midyahay.

Waxaa ay kala yihiin labo Haween ah iyo laba Rag ah kuwaas oo ka kala socda afar Xisbi oo kala duwan kana qeybgelayay doorashada.

Natiijooyinka saddexda kale dib ayaad kala socon doontaan Insha’allah.