Qubaro Gaar Ah Oo Baaraya Dilkii Almas

Taliyaha Booliska Soomaaliya Cabdi Xasan Maxamed, ayaa sheegay in ay gal dacwadeed ka fureen laanta dambi baarista ee Muqdisho si baaritaan dheeraad ah loogu sameeyo dilka loo geystay AL-maas.

Taliye Cabdi Xasan Maxamed, ayaa sheegay in khubarro iyo saraakiil aqoon durugsan u leh baaritaannada noocan ah.

Almaas ayaa shalay gelinkii dambelagu dhex dilay Xarunta Xalane oo ah goob amaankeeda aad loo ilaaliyo kuna badanyihiin reer galbeedka sidoo kalena ah Taliska ugu weyn ee AMISOM.

Almaas markii la dilayay waxaa ay ka soo baxday shir ay midowga Yurub ku qabteen Xerada Xalane waxaana ay dooneysay in ay dib ugu laabato Magaalada Nairobi oo ay degantahay.

Dilkeeda ayaa hadal heyn badan ka dhex abuuray bulshada waxaana su’aasha ugu weyn ee la is weydiinayo tahay cidda Almaas Elman Cali Axmed ku dhextoogatay Xerada Xalane ee aan ilaa hadda lahayn.

Booliska Soomaaliya ayaa sii daayay Sawirqaade Siciid Fadhaye iyo Wadihii gaariga ay la socotay oo muddo lagu xiray Saldhigga Booliska ee Garoonka Muqdisho.