Wabiga Shabeelle oo ku fatahay Xaafadda Baalguray ee Degmada Afgooye

Wabiga Shabeelle ayaa fatahaado hor leh ka sameeyay Gobolka Shabeellaha hoose gaar ahaanna degmada Afgooye.

Dadka ku nool Xaafadda Baalguray ee Degmada Afgooye ayaa u sheegay Idaacadda Mustaqbal in Wabiga uu ku fatahay xaafaddooda islamarkaana uu saameyn ku yeeshay.

Cabdullahi Axmed oo ka mid ah  dadka degaanka oo la hadlay Mustaqbal ayaa sheegay in aysan saaka u suurta geleyn in xitaa doomihii macmalka ahaa ee ay dadka xaafadda ku tagi jireen Magaalada inteeda kale aysan adeegsan karin.

Maamulka Gobolka Shabeellaha hoose iyo kan degmada Afgooye ayaa billaabay Carro tuur lagu sameynayo Wabiga qeybaha uu uga fatahay degmada Afgooye.

Biyaha ka dhashay Fatahaahadda Wabiga ayaa sidoo kale saameeyay dhul beereed ku teedsan hareeraha Wabiga ee Degmada Afgooye iyo Tuulooyin hoos yimaada.