Trump Oo Amray Ilhaan Cumar!

Madaxweynaha Dalka Mareykanka Donald Trump ayaa ku amray xildhibaanad Ilhaan Cumar oo ka mid ah Golaha aqalka hoose ee Mareykanka in ay raalli gelin siiso Mareykanka iyo Israel.

Xiisad u dhaxeysa Trump iyo afar Gabdhood oo Muslimiin ah Ilhaanna ka mid tahay ayaa ka taagan Mareykanka,waxaana xiisaddaasi dhalatay markii Trump uu afarta Gabdood ku yiri ” ku laabta waddamadii aad ka timaadeen”

Saddex ka mid ah Gabdhahaas ayaa ku dhashay gudaha Mareykanka halka Ilhaan Cumar au ku dalatay Soomaaliya.

Ilhaan iyo Trump ayaa iskala booday geedaha waxaana is dhaafsigooda hadallada xanafta le ee barta Twitter-ka sababtay in Trump oo ka hadlayay ololaiisa doorashada soo socota uu Ilaan ku yiraahdo ku laabo halkii aad ka timid.

Ilhaan ayaa markeeda Trump ku tiri “waxaan u taagannahay in Madaxweyne cunsuri ah aan ka qabanno mustaqbalka Mareykanka”.

Waxaa ay sidoo kale horgeysay Golaha aqalka hoose ee Mareykanka mooshin lagu cambaareynayay hadallada Trump iyo in xilka qaadis lagu sameeyo.

Labada aqal ee Mareykanka ayaa ku kala qeybsamay doodda u dhaxeysa Ilhaan Cumar iyo Donald Trump,waxaana xubnaha labada Xisbi la kala safteen labada dhinac iyada oo qaar ka mid ah xubnaha xisbiga Jamhuuriga eedeeyeen Donald Trump halka kuwo kalena eedeeyeen Ilhaan Cumar.

Ilhaan wali kama jawaabin baaqa Trump ee ah in ay raalli gelin siiso Mareykanka iyo Irsael,waxaana sii xoogeysanaya dagaalka dhinaca warbaahinta ah ee u dhaxeeya labada Qof.