Autsralia oo safiir cusub u soo magacowday Soomaaliya

Dowladda Australia ayaa safiir cusub u soo magacaabatay Soomaaliya waxaana warqadaha aqoonsiga ka guddoomay C/Qaadir Axmed Kheyr

Wasiiru dowlaha Arrimaha Dibadda iyo Iskaashiga Caalamiga, Mudane Cabdulqaadir Axmed-kheyr Cabdi, ayaa shalay oo Talaado ahayd (1 Oktoobar) kaga guddoomay Muqdisho nuqul ka mid ah warqadaha aqoonsiga danjiranimo ee Marwo Alison Chartres, Safiirka Australia ee Jamhuuriyadda Federaalka Soomaaliya.

Diblomaasiyiin Soomaali iyo Australian ayaa goob joog ka ahaa madasha guddoomidda.

Intii lagu guda-jiray kulanka, ayaa waxa ay kaga wada hadleen xiriirka laba geesoodka iyo iskaashiga u dhexeeya labada dal ee saaxiibada, sidoo kale waxa ay isla fallanqeeyeen xaaladaha gobolka iyo dunida .

Dowladda Australia ayaa dhawaan Ururka Daacish ee Soomaaliya ku dartay liiska argagixisada iyada oo sheegtay in ay weerarro ka geysan karaan dalkeeda.