Ciidamo Ku Dagaallamay Dhuusamareeb

Wararka ka imaanaya Magaalada Dhuusamareeb ee Caasimadda Dowlad Goboleedka Galmudug ayaa sheegaya in saaka uu ka dhacay iska horimaad u dhaxeeyay Ciidamo ka tirsan kuwa Xoogga dalka oo Fariisin kulahaa xero ku taal duleedka Dhuusamareeb.

Inta la Xaqiijiyay hal Askari oo ka tirsan Ciidanka Xoogga dalka gaarahaan kuwa looyaqaan Danab ayaa ku dhaawacmay iska horimaadka oo ahaa mid mudo kooban socday waxaana la dhigay dhaawaca Askariga Isbitaalka Magaaladda Dhuusamareeb.

Iska horimaadka oo Saaka xilli hore laga maqlay meel u dhow Garoonka Diyaaradaha Dhuusamareeb oo ay Saldhig ku leeyihiin Ciidanka Danab ayaa la sheegay in uu dhexeeyay Ciidamo ka tirsan Danab waxaan goobta gaaray Saraakiil ka tirsan Ciidanka Xoogga dalka oo dhaawaca soo qaaday.

Saraakiil ku sugan Dhuusamareeb ayaa sheegay in dagaalku ka yimid ka dib markii ay rasaas isku fureen Askar la sheegay in ay isticmaaleen waxyaabaha Maanka Dooriyo(Qamro) taas oo keentay Dhaawaca Askari ka tirsan Ciidanka Xoogga dalka.

Ciidankaan ayaa saldhig ku leh Garoonka Diyaaradaha Dhuusamareeb oo dhawaan amniga Garoonkauu uu ku wareejiyay  Ra’iisul wasaaraha Soomaaliya Xasan Cali Kheyre oo ay wehliyaan Wasiirka Amniga Gudaha Soomaaliya iyo Maxamed Abuukar Isloow iyo Madaxa Xukumada Galmudug Sheekh Maxamed Shaakir Cali Xasan.