Cumar Finish oo magacaabay Guddiga dib u furidda waddooyinka Muqdisho

Guddoomiyaha Gobolka Banaadir ahna Duqa Magaalada Muqdisho Cumar Maxamed Maxmuud Finish ayaa waxaa uu magacaabay Guddi loo xil saaray dib u furidda Waddooyinka  xiran ee Magaalada Muqdisho.

Guddiga dib u furidda Waddooyinka Muqdisho ee uu magacaabay Cumar Finish ayaa waxaa uu ka koobanyahay 7 xubnood waxaana Guddoomiye ka ah ku xigeenka amniga iyo siyaasadda Gobolka.

Cumar Finish ayaa magacaabistiisii kaddib ku dhawaaqay in uu ka shaqeyn doono sidii dib loogu furi lahaa Waddooyinka xiran ee Magaalada Muqdisho.

Waddooyinka Muqdisho ee xiran muddada dhowrka bilood ah ayaa waxaa ku dhibqaba shacabka Muqdisho oo waqti iyo qarashba dib u dhac badan kala kulmay.

30kii March sanadkan 2019 ayaa waxaa xirnaanshiyaha Waddooyinka Muqdisho ku dhawaaqay Guddoomiyihii hore ee Gobolka Banaadir C/Raxmaan Cumar Cismaan Yariisow.

Yariisow ayaa u geeriyooday Qarax ka dhacay gudaha xarunta aqalka dowladda hoose ee Muqdisho 24kii july,waxaana dhawaaca ahaan loogu qaaday dalka Qadar halkaas oo uu ku geeriyooday 1dii August.