Daacishta Soomaaliya Oo War Cusub Soo Saartay

Ururka Daacish faraciisa Soomaaliya ayaa war ka soo saaray geerida Hoggaamiyihii Ururkaas Abuu Bakar Al Baqdaadi oo todobaadkii hore lagu dilay Dalka Syria.

Sawir la geliyay barta Telegramka ee Ururka Daacish ayaa lagu sheegay in kooxda daacish faraceeda Soomaaliya ay u hoggaansantahay hoggaamiyaha cusub ee kooxda oo lagu magacaabo Al Qureyshi.

Warka ka soo baxay Ururka Daacish qeybtiisa Soomaaliya ayaa intaas lagu daray in ay sii wadi doonaan u hoggaansanaanta hoggaamiyaha cusub.

Qeybta Soomaaliya ayaa sawirka iska soo qaaday iyaga oo daraasiin ah islamarkaana taagan geed hoostiis waxaana ay ku dhawaaqayeen u daacad ahaanshaha hoggaamiyaha cusub ee Ururka

Hoggaaamiyaha cusub ee ururka Daacish oo Khamiistii lagu dhawaaqay in uu yahay hoggaanka cusub ayaa Ururka daacish waxaa uu sidoo kale ku baaqay in laga aargoosto Mareykanka.

Ciidamada gaarka ah ee Mareykanka ayaa hoggaamiyaha Daacish Abuu bakar ay Baqdaadi ku dilay Waqooyi Bari Syria,waxaana kooxda ay magacowday hoggaamiyaha bedelay.