Dagaal Ka Dhacay Afgooye

Dagaal xooggan oo u dhaxeeyey ciidanka dowladda Soomaaliya iyo Al-shabaab ayaa xalay ka dhacay degmada Afgooye ee gobolka Shabellaha Hoose.

Dagaalyahannada Al-shabaab ayaa jidka u galay sida la sheegay kolonyo ay la socdeen ciidanka xoogga dalka, waxaana la xaqiijiyey in halkaasi dagaal culus uu ka dhacay.

Labo qof ayaa dhimatay Afar kalena dhaawac ayaa soo gaaray sidey inoo xaqiijiyeen saraakiil ciidan.

Dagaalkan ayaa si gaar ah uga dhacay deegaanka Cumar Dheere oo duleedka ka xiga Afgooye, iyadoo maantana xaaladdu ay tahay mid aad u deggan.

Dhinacyadii dagaallamay wax war ah kama aanay soo saarin dagaalladan, balse ciidanka DFS ayaa wada dhaq-dhaqaaqyo.