Dagaal Ka Dhacay Sh/hoose

Wararka ka imaanaya deegaanka Sabiid waxa ay sheegayaan in xalay uu ka dhacay iska hor imaad u dhaxeeyay Ciidamada Danab iyo Al-Shabaab.

Goobjoogayaal ayaa sheegay in dagaalka uu socday Muddo, isla markaana ay maqlayeen rasaasta ay isku ridayeen dhinacyada dagaalamay.

Al-Shabaab ayaa la sheegay in ay weerarka ku qaadeen Saldhigyo ciidamada Dowladda ay ku leeyihiin duleedka Sabiid, waxaana askarta ay sameeyeen iska caabbin sida ay sheegeen ilo wareedyo.

Lama ogo inta uu gaarsiisan yahay khasaaraha Labada dhinac kala gaaray, maadaama Xilli habeen ah uu dagaalamka dhacay, dadkana ay ku jireen Xaafadahooda.

Ciidamada Dowladda ayaa saakay howlgalo ka sameeyay duleedka deegaanka Sabiid ee Gobolka Shabeelaha Hoose.

Wali ma jiro war kasoo baxay Dowladda iyo Al-Shabaab oo ay kaga hadlayaan khasaaraha ka dhashay dagaalka ka dhacay duleedka Sabiid oo kamid ahaa deegaanadii Ciidamada ay ka qabsadeen Al-Shabaab.