Dani Oo Taliyeyaal Magacaabay

Madaxweynaha Maamulka Puntland Siciid Cabdullahi Deni ayaa magacaabay Taliyaha Booliska Gobolka Nugaal.

Wareegto ka soo baxday Xafiiska Madaxweynaha dowlad Goboleedka Puntland Siciid Cabdullahi Deni ayaa waxaa lagu magacaabay Taliyaha qeybta Booliska Gobolka Nugaal.

Xilkan ayaa loo magacaabay Gaashaanlle dhexe  Muumin Cabdi Shire, kaas oo horay u ahaa Taliye ku xigeenka ciidanka Ilaalada Madaxtooyada Maamulka Puntland.

Ninka la magacaabay ayaa hoggaaminayay howlgal loogu magacdaray tayeynta Ciidamada oo Maamulka Puntland kula wareegayay dhismayaasha dowladda ee ay dadka rayidka ah degganyihiin.

Wasiirka Maaliyadda Puntland ayaa dhawaan ku baaqay in la toogto qofkii diida in uu ka boxo guryaha Dowladdii hore lahayd ee ku yaalla Garowe.