DFS Oo Soo Saartay Ammar Adkeynaya Duulimaadka Kismaayo

Hey’adda Duulista iyo Saadaasha Hawada ee Xukuumadda Federaalka ah ee Soomaaliya  ayaa soo saartay ammar ku aaddan duulimaadyada magaalada Kismaayo.

Waxa ay sheegtay hay’adda in looga baahan yahay diyaaradaha tagaya Kismaayo ama ka imaanaya iney soo maraan garoonka diyaaradaha Aadan Cadde ee magaalada Muqdisho.

Waxya qoraal ku sheegtay Hey’adda Duulista iyo Saadaasha Hawada ee Xukuumadda Federaalka ah ee Soomaaliya  in arrintan looga gol leeyahay hubinta diyaaradaha halkaasi u safra.

Maamulka Jubbaland ayaan ka hadlin arrintan, hase ahaatee waxay tani u muuqataa mid sii xoojineysa khilaafka dowladda iyo Jubbaland.