Dhageyso: RW Kheyre Oo Mar Kale Shaaciyey Halka Lagu Qabanayo Doorashada Galmudug

Ra’iisul wasaaraha xukuumadda federaalka Soomaaliya, Xasan Cali Kheyre ayaa mar kale wuxuu ka hadlay halka lagu qaban doono doorashada dowlad goboleedka Galmudug.

Wuxuu tilmaamay in magaalada Dhuusamareeb ay noqon doonto halka doorashadaasi ka dhici doonto islamarkaana aanay jiri doonin in meel kale loo weeciyo.

Kheyre ayaa sheegay in shacabka Dhuusamareeb yihiin kuwo aad uga shaqeeyey sidii loo heli lahaa isbedallo cusub iyo in la helo xal ku aaddan Galmudug.

Dhanka kale, Ra’iisul wasaare Xasan ayaa u sheegay shacabka Galmudug in markan aysan iska khasaarin fursadahan ay haystaan, isaga ku celceliyey in DFS ka go’an tahay dhismaha Galmudug loo mideysan yahay.

Ra’iisul wasaare Xasan Cali Kheyre ayaa dhowaan socdaal ku maray deegaannada Galmudug, wuxuuna hadda ku sugan yahay magaalada Dhuusamareeb.

Hoos ka dhageyso.