Juventus Oo Horumar Ka Sameysay Wadahadallada Ay Ku Dooneyso Matthijs de Ligt

Waxaa lasoo warinayaa in kooxda Juventus ay horumar aad u wanaagsan ka sameysay wadahadallada ay Ajax kaga dooneyso daafaca reer Holand Matthijs de Ligt.

Matthijs de Ligt ayaa ah mid ka mid ah magacyada ugu caansan ay saxaafada Yurub si xoogan kaga hadashay bilihii dhowaa ee lasoo dhaafay, iyadoo ay jirto in qaab ciyaareedkiisa uu soo jiitay kooxo badan oo Yurub ah, sida Barcelona, ​​Paris St Germain iyo Juventus.

Juventus ayaa la xaqiijiyey in heshiis dhanka afka ah ay la gaartay Matthijs de Ligt, si uu u saxiixo qandaraas ilaa iyo 2024-ka.

Mushaar ahaan waxaa loo siin doonmaa 12 milyan oo Euro ah sanadkii.

Laakiin sheeko waxay ka taagan in Labada kooxood ee Juventus iyo Ajax ay ku muransan yihiin qiimaha lagu joojin karo heshiiskiisa naadiga reer Holland ee gaarsiisan 75 Milyan euro.