Murxuum Yariisow oo laga soo dejiyay Muqdisho

Guddoomiyihii hore ee Gobolka Banaadir C/raxmaan Cumar Cismaan Yariisow ayaa waxaa saaka laga soo dejiyay Magaalada Muqdisho.

Madaxda ugu sarreysa dowladda Federaalka ah ayaa ka qeybgelaya aaska loo sameynayo Injineer Yariisow,waxaana ka  mid ah Madaxweynaha Soomaaliya, Ra’isalwasaaraha, qaar ka mid ah madaxda Maamul Goboleedyada dalka.

Diyaaradda sidday Maydka Injineer Yariisow ayaa waxaa kale oo la socday xubno qoyskiisa ka mid ah sida wiil uu dhalay isaga.

Sheekh Cali Dheere oo ka mid ah saraakiisha Wasaaradda Diinta Soomaaliya ayaa u duceeyay Meydka ka hor inta aan lagu dukan Janaasada halkaas oo dadkii ka qeybgalay ay ugu duceeyeen.

Madaxda Qaranka oo uu ugu horeeyo Madaxweynaha Jamhuuriyadda Soomaaliya Mudane Maxamed Cabdulaahi Farmaajo ayaa ka qayb galay salaadda Janaasada. Waxaa goor dhow lagu wadaa in lagu aaso Marxuumka Khabuuraha ku yaala xerada General Kaahiye ee magaalada Muqdidho.