Qarax Ismiidaamin Ah Oo Ka Dhacay Dhuusamareeb

Warar dheeraad ah ayaa laga helayaa qarax Ismiidaamin ah, kaasi oo maanta ka dhacay degmada Dhuusamareeb ee gobolka Galgaduud.

Nin la sheegay inuu soo xirtay walxaha qarxa ayaa isku qarxiyey maqaayad ku taalla kasoo horjeedka xarunta Inji oo ah halka uu ku shaqeeyo madaxa xukuumadda Galmudug, Sheekh Maxamed Shaakir.

Sidey Goobjoogayaal inoo sheegeen, waxaa qaraxaasi ku dhintey ruuxii is qarxiyey, iyadoo Saddex qof kale ay halkaasi ku dhaawacmeen.

Ciidamada ammaanka ayaa gaaray halka qaraxan uu ka dhacay, waxaana ay wadaan baaritaanno.

Dhuusamareeb waxaa ku sugan Ra’iisul wasaaraha xukuumadda federaalka Soomaaliya, Xasan Cali Kheyre iyo qaar ka mid ah golahiisa wasiirada.

Maandeeq

Muqdisho, Somalia