Qarax Ka Dhacay Muqdisho

Qarax ayaa waxaa uu ka dhacay Degmada Hodon ee Magaalada Muqdisho,iyada oo ilaa hadda aan la sheegin khasaaraha ka dhashay.

Qaraxa ayaa ka dhacay Isgoyska Digfeer, waxaana halkaas Gaariga qarxay ku celinayay Ciidamada dowladda sida ay sheegeen saraakiisha amaanka.

Gaariga oo noociisa ahaa Prado ayaa waxaa ku jiray sida la sheegay Labo nin oo doonayay in ay ka bootiyaan Carro-tuurka, hayeeshee ay Ciidamada isgoyska ku sugan ka hor istaageen.

Sidey sheegeen dad ku dhowaa halkaasi, Labadii nin ayaa diiday iney ka degaan Gaariga, maadaama ay isku gedaameen ciidamada ammaanka.

Waxay ciidanku kala eryeen dadkii halkaasi ka dhowaa, kahor inta aanu gaariga qarxin.

Waxaa jira waxyeello ka dhalatay qaraxa gaarigan, balse weli faah faahin rasmi ah lagama helin.

Maandeeq

Muqdisho, Somalia