Sawirro: Ajaaniib Ka Dhinac Dagaallami Jirtay Al-shabaab Oo La Qabtay

Ciidamada amaanka dowlad Goboleedka Jubaland ayaa soo bandhigay sawirrada saddex nin oo ay sheegeen in ay ajannabi yihiin, kuwaas oo u dagaallamayay AL-shabaab.

Saraakiisha Hay’adaha amniga Jubaland ayaa sheegay in saddexda Nin ee u dagaallamayay Al-shabaab ay ka soo jeedaan Dalka Tanzania.

Saddexda Nin ayaa lagu qabtay duleedka Degmada Afmadow ee Gobolka Jubada hoose halkaas oo ay kula kulmeen Ciidamada Maamulka Jubaland.

Maamulka Jubaland ma sheegin magacyada saddexda Nin ee ay sheegeen in ay u dhasheen Dalka Tanzania kuwaas oo ay ku eedeeyeen in ay u shaqeynayeen Al-shabaab.

Saraakiisha ayaa waxaa ay sheegeen in ay baaris ku yahaan saddexda Nin ee Ajannabiga ah ee ay sheegeen in ay u dagaallamayeen dhaq dhaqaaqa Al-shabaab.