Shacab Lagu Laayay Gobolka Hiiraan

Wararka ka imaanaya degmada Matabaan ee gobolka Hiiraan ayaa waxay sheegayaan in maleeshiyaad hubeysani ay dad shacab ah ku laayeen duleedka degmadaasi.

Maleeshiyaadkan ayaa la sheegayaa iney rasaas ku fureen dad badan oo ku sugnaa ceel-biyood dhowaan halkaasi laga dhisay.

Ugu yaraan Shan qof ayaa halkaasi ku dhimatay, iyadoo dhaawucuna intaa ka badan yahay, sidey xaqiijiyeen dad ku sugan degmada Matabaan.

Maleeshiyaadkii dadka laayey ayaa goobta isaga baxsaday, waxaana lagu soo waramayaa in ay markii hore ka yimaadeen dhanka degmada Matabaan.

Maamulka degmada Matabaan wax war ah kama aanu soo saarin shacabkan la laayay, iyadoo baaritaanno ay socdaan.