Wariye Caan Ah Oo Xil Loo Magacaabay

Madaxweynaha Dowlad Goboleedka Puntland Siciid Cabdullahi Deni ayaa xubnaha Guddiga doorashada KMG ah ee Puntland ku daray Wariyihii ka fariistay BBC-da ee C/Nuur Sheekh Maxamed Isxaaq.

Madaxweynaha Puntalnd ayaa magacaabay Guddi ka kooban sagaal xubnood oo noqonaya Guddiga KMG ah ee doorashada Maamulka Puntland waxaana xubnahan ka mid ah C/Nuur oo muddo ka shaqeynayay BBC-da.

C/Nuur ayaa billowgii Sanadkan howlgab ka noqday howlaha BBC-da waxaana uu u soo wareegay gudaha dalka halkaas oo uu hadda xubin ka noqday Guddiga doorashada KMG ah ee Puntland.

Xubnaha Guddiga ee uu magaabay Madaxweynaha Puntland wayaa waxaa ay kala yihiin.

1. Cabdinuur Shuukh Maxamed Isxaaq
2. Sahra Jaamac Saalax
3. Cali Jaamac Faarax
4. Cabdullaahi faarax Mire
5. Cabdullaahi Cabdi Ducaalle
6. Guulleed Saalax Bare
7. Jaamac Xirsi Faarax
8. Xafso Salaad Maxamed
9. Cadirisaaq Axmed Siciid

Horay waxaa sidan oo kale Guddiga doorashada Somaliland ugu biiray Siciid Cali Muuse oo ka mid ahaa dadkii ka shaqeyn jiray laanta Afka Soomaaliga ee BBC-da.