Kooxda Juventus Oo Lasoo Wareegtay Xidig Ka Tirsan Roma

Kooxda Juventus ayaa sheegtay iney si rasmi ah ula soo wareegtay Luca Pellegrini, daafaca garabka bidix ee Roma.

Pellegrini, ayaa heshiis Afar sano ah la saxiixday kooxdan, iyadoo heshiiskan uu ku kacayo qiimo dhan 22 milyan oo Euro ah, waxaana lacagtan lagu bixin doonaa muddo Saddex sano ah.

Warka ayaa waxaa intaas lagu sii daray in kooxdu ay ugu dambeyntii heshay xuquuqda ciyaaryahan Luca Pellegrini, maadaama uu saxiixay heshiis 4 sano ah ee gaarsiisan ilaa iyo 30-ka June 2023.

Taasi badalkeeda, Bianconeri ayaa ku dhawaaqday in xiddiga kooxdeeda ee Leonardo Spinazzola uu isna ugu wareegay naadiga AS Roma 29.5 milyan euro ee lagu bixin doono mudo seddex sano ah.

Maandeeq.net

Muqdisho, Somalia